Aanay Walo Ye To Bataao

Author: taha / Labels:

Aanay walo ye to bataao shehr madina kaisa hai
Sar un kay qadmon mayn rakh kar jukh kar jiina kaisa hai

Gunbaday khazra kay sa-ay mayn beytth kay tum to aa-ay ho
Uss sa-ay mayn rab kay aagay sajda karna kaisa hai

Dil aankhayn or ruuh tumhari lagti heyn sehraab mujhay
Dar pay un kay beytth kay zamzam piina kaisa hai

Diiwano aankhon say tumharitna puuch to laynay do
Waqt e dua rozay pay un kay aansu bahana kaisa hai

Waqt e rukhsat dil ko apnay chhoarr wahaan tum aa-ay ho
Yay batlaa-o ishrat un kay dar say bichharrna kaisa hai

1 comments

May So Jaoo Ya MUSTAFA

Author: taha / Labels:

May so jaoo Ya MUSTAFA (S.A.W.W) kehtey kehtey
Khulley aankh Salle Aala kehtey kehtey

Sitam pay Sitam seh gaey dushmano kay
Habeeb-e-KHUDA, Ya KHUDA kehtey kehtey

May so jaoo Ya MUSTAFA(S.A.W.W) kehtey kehtey
Khulley aankh Salle Aala kehtey kehtey

Guzarte thay kaantey bharrey raasto say
RASOOL-e-KHUDA, Marhaba kehtey kehtey

May so jaoo Ya MUSTAFA (S.A.W.W) kehtey kehtey
Khulley aankh Salle Aala kehtey kehtey

Huwey surkhuru Aap her maarkey may
Fakat Rabbana , Rabbana kehtey kehtey

May so jaoo Ya MUSTAFA (S.A.W.W) kehtey kehtey
Khulley aankh Salle Aala kehtey kehtey

Shahe her do Aalam ne naam-e-jabee say
Bhara paet shukrey KHUDA kehtey kehtey

May so jaoo Ya MUSTAFA (S.A.W.W) kehtey kehtey
Khulley aankh Salle Aala kehtey kehtey

Andheiroo may ham ne kiya hay ujaala
Aqeedat sey Noor-ul-Huda kehtey kehtey

May so jaoo Ya MUSTAFA (S.A.W.W) kehtey kehtey
Khulley aankh Salle Aala kehtey kehtey

Dilley muztarib ko qaraar aagya hay
Shabo roz Ya MUJTABA (S.A.W.W) kehte kehte

May so jaoo Ya MUSTAFA (S.A.W.W) kehtey kehtey
Khulley aankh Salle Aala kehtey kehtey

Museebat kay maaro kathan manzillo say
Guzer jaoo Ya Mustafa kehtey kehtey

May so jaoo Ya MUSTAFA (S.A.W.W) kehtey kehtey
Khulley aankh Salle Aala kehtey kehtey

0 comments

Wo Kaisa Sama Hoga

Author: taha / Labels:

Wo Kaisa sama hoga wo kaisi gharri hogi
Jab pehli nazar unkay rozay pay parri hogi

Yay kucha e jana he aahista qadam rakhna
Har ja pay malaaik ki baaraat kharri hogi

Kya saamnay ja kay ham haal apna suna-ayn gay
Sarkar ka dar hoga ashkon ki jharri hogi

Kuchh haathh na aa-ay ga aqa say juda reh kar
Sarkar ki nisbat say toqeer barri hogi

Wo sheesha-ay dil gham say mela na kabhi hoga
Tasweer madinay ki jiss dil mayn jarri hogi

Ho ja-ay jo wabasta sarkar kay qadmon say
Har cheez zamaanay ki qadmon mayn parri hogi

Chaara na koii karna ik naat suna day-na
Nacheez zahoori ki jab saans arri hogi

4 comments

Jab Masjid-e-Nabawi Ke Minaar

Author: taha / Labels:

Jab Masjid-e-Nabawi ke Minaar nazar aye
Allah ki Rahmat ke asaar nazar aye

Manzar ho bayah kayse alfaaz nahi milthi
Jis waqt Muhammad ka Darbaar nazar aye

Bas yaad rahe itna seene se lagi Jaali
Phir yaad nahi kya kya Anwaar nazar aye

Dukh dard ke maaro ko gham yaad nahi rehte
Jab saamene ankho ke ghamkwaar nazar aye

Makke ki fizaawoh me Taybah ki hawawo me
Ham ne tho jidhar dekha Sarkaar nazar aye

Chor aya Zuhoori me dil jaan Madine me
Ab jinah yaha mujh ko dushwaar nazar aye

1 comments

Kyun Kar Na Meray Dil Mein Ho Ulfat

Author: taha / Labels:

Kyun kar na meray dil mein ho Ulfat Rasool ki
Jannat mein lay kay jaey Ghi Chahat Rasool ki

Chalta hoon mein be Qafelay walo ruko zara
Milnay do bus mujhay be Ijazat Rasool ki

Phochay Jo Din-o-Iman Nakerain Qabr mein
Us waqt meray lab pay ho Midhat Rasool ki

Tarpa kay un kay Qadmo mein mujh ko
Gira day ShokJis waqt ho lahad mein Ziyarat Rasool ki

Sarkar nay bula kay Madina dikha dia
Ho ghi mujhay naseeb Safa"at Rasool ki

Ya Rab dikha day Aaj ki Shab Jalwaey Habib
Ik bar to Aata ho Ziyarat Rasool ki

Damen mein un kay lay lo pannah Aaj munkiro
Mahengi paray ghi warna Adawat Rasool ki

To hai Ghulam Un ka Ubad-e-Raza teray
Mahshar mein ho ghi saath Himayat Rasool ki

0 comments

Mustafa Jaan-e-Rehmat Peh Laakho Salam

Author: taha / Labels:

Mustafa jaan-e-rehmat peh laakho salam
Sham-e-bazme hidyat peh laakho salam

Jis suhaani ghari chamka taba ka chand
Us dil afrowzay saat peh lakho salam

Jis kay mathay shafat ka sihra raha
Us jabaa-nay saadat peh laakho salam

Aik mayra he rehmat pe dawa nai
Shaha ke sare umat peh laakho salam

Shabay asra kay dula pei dame durood
Nowsha-hay ba-e-janat peh laakho salam

Woh zuba jis ko sab kun ki kunji kahe
Us ki naffiz hukumat peh laakho salam

Jis kay aanay say yasrab madina bana
Aysa aaqa ke amad peh laakho salam

Umatei umatei lab peh jari rahe
Umatei tayre kismat peh laakho salam

0 comments

Dildaar Barhe Aa'ey

Author: taha / Labels:

Dildaar barhe aa'ey mahboob barhe dekhey
Jo dekhey sabhii un keh qadmon main parhe dekhey

Sardaare do 'aalam ki ta'ziim keh kiyaa kehne
Mursal bhii sabhii jin ki raahon main karhe dekhey

Yaad un keh Madiinah ki jab dil main utar aai
Palkon keh kinaaron pih moti seh jurhe dekhey

Mahboob ki midhat main hai taab sukhan kis ko
Sab ahle sukhan main ne hairat main garhe dekhey

Un jaisaa Zuhurii ab aaey gaa nah duniya main
Dildaar barhe aa'ey mahboob barhe dekhey

0 comments

Woh Nabiyon Main Rehmat Laqab

Author: taha / Labels:

Woh Nabiyon Main Rehmat laqab panay wala
Usey say hai Islam ka bola bala

Woh sar chashmai noor-e-fathghay mubeen hai
Wohi mash anayra hay azmo yakeen hai
Usey say hamaray dilon main ujala
Usey say hai Islam ka bola bala
Woh Nabiyon Main Rehmat laqab panay wala
Usey say hai Islam ka bola bala

Usey kay yeh gham par hai ahsaan saray
Kadam manzelaain chomtey hain hamaray
Usey nain andhayron say ham ko nikala
Usey say hai Islam ka bola bala
Woh Nabiyon Main Rehmat laqab panay wala
Usey say hai Islam ka bola bala

Sahara diya us kay naqshey qadam nain
Usey kee tawajo usey kay kadam nain
Zamanain kay girtay houon ko sanbhala
Usey say hai Islam ka bola bala
Woh Nabiyon Main Rehmat laqab panay wala
Usey say hai Islam ka bola bala

Usey kee mohabat hai iman-e-kamil
Usey say mila hum ko irfan-e-manzil
Usey nain hamain jada-e-haq pay dala
Usey say hai Islam ka bola bala
Woh Nabiyon Main Rehmat laqab panay wala
Usey say hai Islam ka bola bala

Sahara diya us kay naqshey qadam nain
Usey kee tawajo usey kay kadam nain
Zamanain kay girtay houon ko sanbhala
Usey say hai Islam ka bola bala

Usey kee mohabat hai iman-e-kamil
Usey say mila hum ko irfan-e-manzil
Usey nain hamain jada-e-haq pay dala
Usey say hai Islam ka bola bala
Woh Nabiyon Main Rehmat laqab panay wala
Usey say hai Islam ka bola bala

0 comments

Zameen Meli Nahi Hoti Zaman

Author: taha / Labels:

Zameen meli nahi hoti zaman mela nahi hota
Mohammad (SAW) kay Ghulamo ka kafan mela nahi hota

Mohabbad Kamli wale say wo jazba hai suno logo
Yai jis man mai sama jaye wo man mela nahi hota

Mery Aaqa ki ulfat to baddan ko jagmagati hai
Kabhi ahh-le-Mohammad (SAW) ka baddan mela nahi hota

Guloon ko choom letain hain sehar num shabnami qatre
Nabi ki Naat sun lain to chaman mela nahi hota

Jo Name-e-Mustafa choomey nahi dukhti kabi ankhain
Pehen ley Payar jo unka baddan mela nahi hota

Main nazaan to nahi fun per magar nasir ya dawa hey
Sana-e-Mustafa karney sey fun mela nahi hota

8 comments

Chand Jalta Raha

Author: taha / Labels:

Meri aankhon me aansu pighalta raha, chand jalta raha
Teri yaadon ka suraj nikalta raha, chand jalta raha

Koi bistar pe shabnam lapete huye khawab dekha kiya
Koi yaadon ke karwat badalta raha , chand jalta raha

Meri aankhon me campus ki sab saa'atein jaagti hai abhi
Neher par tu mere saath chalta raha, chand jalta raha

Mai to jaanta hu ke jis shab mujhe chhor kar tum gaye
Aasmanon se shola nikalta raha, chand jalta raha

Raat aayi to kya kya tamashe huye tujh ko kya maloom ?
Teri yaadon ka suraj ubalta raha, chand jalta raha

Raat bhar meri palkon ki dehleez par khawab girte rahe
Dil tarapta raha, haath malta raha, chand jalta raha

Yeh December ke jis me kadi dhoop bhi meethi lagne lage
Tum nahi to yeh December sulagta raha, chand jalta raha

Aaj bhi woh taqaddus bhari raat mehki huyi hai ~Wasee~
Mai kisi me, koi mujh me dhalta raha, chand jalta rah...

0 comments

Akhri Chand Din December Kay

Author: taha / Labels:

Akhri chand din december kay
Har baras hi giraan guzartay hain
Khawahisho kay nigaar khanay se
Kaise kaise gumaan guzarta hain
Ruftgaan kay bikhray saayon ki
Aik mehfil si dil main sajti hai
Kitnay number pukartay hain mujhay
Jin se marboot bay nava ghanti
Ab fakat mere dil main bajti hai
Kis qadar pyaaray pyaaray naamon per
Raingti badnumaan si lakeerein
Meri aankhon main phail jaati hain
Dooriyaan dairay banati hain
Dihaan ki serrhiyon per kia kia aks
Mashalein dard ki jalatay hain
Naam jo kat gaaye hain unkay hurf
Aisay kaghaz per phail jaatay hain
Hadsay kay muqaam per jaisay
Khoon sukhtay nishano per
Chawk se linay lagatay hain
Phir December kay akhiri din main
Har baras ki tarhaan ab kay bhi
Diary aik sawaal karti hai
Kya khabar uskay aagay tak
Meray un bay chiraagh safon se
Kitnay hi naam kat gaye hongay
Kitnay number bikhar kar raston per
Gard-e-maazi se aat gaye hongay
Khak kay adhairon kay daman main
Kitnay toogaan simat gaaye hongay
Har December main sochta hun
Aik din is tarhaan bhi hona hai
Rang ko roshni main khona hai
Apnay apnay gharon main rakhi hui
Diary dost dekhtay hongay
Un aankhon kay khak daano main
Aik sehra sa phelta hoga
Aur kuch be nishaan safhon say
Naam mera bhi kat gaya hoga!

0 comments

Ye Sard Shamain Ye Zard

Author: taha / Labels:

Ye sard shamain ye zard pattay
Ye mereqadmon main larkharahat
Guzarti saat ke in palon main
Main jis ki chahat ko khojta hoon
Wo ja chuka hay meheeno pehlay
Tapish thi jis ki lahoo main mere
Wo is december main ruk gayee hain
Boht hay mushkil ke ab ho aisa
Ke mujh pay ab kay ye saal guzray..

1 comments

Humare Hal Per Roya DECEMBER

Author: taha / Labels:

Humare hal per roya DECEMBER
Woh dekho toot ker barsa DECEMBER
Guzar jata hai sara saal yun toh
Nahi katta magar tanha DECEMBER
Bhala barish se kya sarab ho ga?
Tumhare wasal ka payasa DECEMBER
Woh kab bichra? nahi aab yaad lekin
Bas itna illm hai ke tha DECEMBER
Yun palkein bheegati rehti hain aise
Meri aankhon main jaise aa thehra DECEMBER
Jama ponjhi yehi hai umer bhar ki
Meri tanhai aur mera DECEMBER
Sabab na pooch mere aanson ka
Hai pehle hijr ka pehla DECEMBER
Main inn yaadon se bach k jaon kaise
Ke mellon dor hai phela DECEMBER
Meri aankhon se ger deko toh jano
Ke hai barsaat main jalta DECEMBER
Abhi tak kohr main dooba hai aangan
Abhi tak yaad hai pechla DECEMBER

0 comments

Lambay Safar Ki Oat Mein

Author: taha / Labels:

Lambay safar ki oat mein pal bar nahi ruka
Mein waqt ke fareeb mein aa kar nahi ruka
Phir aa gaya aik naya sal dosto...
Is bar bhi kisi say december nahi ruka
Lay kar kisi nain haath mein kashkol-e-waqt
Aisa safar kia ke kahin per nahin ruka
Manzar kay aks mein koi chera chatakh gaya
Sheshay kay pas aa kay jo pathar nahin ruka
Chalta raha adoo ki safin rondta howa
Lakhon ka khoun-e-jigar kar ke bhe lashkar nahi ruka
Bas yeh howa ke Akhri lamha bi aa gaya
Dil ka tawaf koocha-e-dilbar nahi ruka...

0 comments

Usse Kehna December Lot Aaya

Author: taha / Labels:

Usse kehna. . .
December lot aaya hay !
Hawaein sard hain aur vaadiyn bhi dhund mein ghum hain!
Paharo ney baraf ki shaal
phir sey orh rakhi hay!
Sabhi raste tumhari yaad mein purnam sey lagte hain!
Jinhe sharf-e-musafat tha!
Wo saare cards, wo perfume, wo choti se diary!
Wo teris, wo chaye, Jo hum ne sath me pee thi!
Tumhari yaad laaty hain!
Tumhe wapis bulate hain!
Usse kehna kay dekho yun satao na!
December lot aaya hay!

0 comments

Bay Qarar Mausam Mein

Author: taha / Labels:

Bay qarar mausam mein
Yaad ke jharokon se
phir tumhi se milnay ki
Dil mein kitni khawahish hai
Jo udaas rakhti hai
Aaj kal December ki
Phir udaas shaamein hain
In ujaar aankhon mein
Zard zard raatein hain
Barishon ke mausam mein
Toot phoot jata hoon
Jab bhi yaad aatay ho
Khud ko bhool jata hoon

0 comments

Yeh Dua Hai Meri

Author: taha / Labels:

Yeh duaa hai meri tumharay liye
Meray hath uthay
Meray hath hilaein
Mere dil se
yeh awaz uthi
Teray hontoon ki hansi
Teri ankhoon ki chamak
Tujhy zindai say

Itna Pyar mile
ke ghamoon ki dhoop tujhai choo na sake

0 comments

Mera Lafz Lafz Dua Dua

Author: taha / Labels:

Mera lafz lafz dua dua,
Mery aansuon se dhula hua,
Tujhay zindagi k woh sehar miley,
Tujhay mohabbaton ka safar miley,
Tujhay dard-o-gham na kabhi choo sakay,
Yeh dua hai koi gila nahi
Tujhay zindagi main wo sakoon milay,
Jo kisi ko kabhi mila nahi !

0 comments

Duaa Hai k Teri Zindagi Mai

Author: taha / Labels:

Duaa hai k teri zindagi mai kabhi gham na ho
Duaa hai k teri muskurahat kabhi kam na ho
Agar kabhi palko mai teri aanso aaye
Tou dua hai k kabhi us ki wajah hum na ho

0 comments

Har Dum Karoon Yaad Aap Ko

Author: taha / Labels:

Har dum karoon yaad aap ko duaon mai
Aap sada khush raho mohabbat ki chaon mai
Izzat ho aap ki sab ki nigahon mai
Koi gham na mile aap ko zindagi ki rahon mai

0 comments

Ae Mery Rub!

Author: taha / Labels:

Ae mery Rub!
Mujhy t0 sirf teri Khushi Chahiye,

Dard Kaisa B H0
Bandagi Chahiye,
Duniya Ki
K0i Khwahish
Nahi,

Aakhrat Ki Bs
Zindagi Chahiye,

Sirf Tere He Aage
Haath Phela0n
Aesi Mujhe Bebasi
Chahiye,

Tu H0 Jaye Razi
Sanwar Jaun
Main,

Mere Malik Teri raza ki
Aagahi Chahiye,

Main Jhukun
aur Bus
Jhuka He Rahun,

IBadat Me Bus
aisi Aajizi Chahiye,

Main Bhatak Jaun
agr Tu Sahara
Muje de

Aesi Muje Teri
Rehbari Chahiye.

0 comments

Duaa Hai Raho Aabad Iss Tarha

Author: taha / Labels:

Dua hai raho aabad iss tarha
Chaman mayn ho phool shadab jis tarha
Chand tumhayn daykhnay aya karay yahan
Sitaray iss nazar k chamkayn tumara pass
Khusiyan tumara pass say jayin na kabhi
Tum bhol jao gham ko kuch iss tarha
Tum soch lo wo ankhain,daykh lo samandar
Shayad mil jaya pyaar ki gehrayi iss tarha
Jis main na ho nami, bas roshni rahay
Bas rahoo hamesha uss aankh ki tarha
Soocho bhi jiss ka tum, tumain mil jay
Dua hai rakhay Khuda tumayn abad iss tarha

0 comments

Waqt-E-Dua Main Ek Duaa

Author: taha / Labels:

Waqt-e-dua main ek dua karon,
Main rab se ek eltija karon,
Tu khush rahe,
Tu shaad rahe,
Teray dil ka angar abaad rahay,
Tu har pal yun hi hansa kare,
Tu phulon ki manind khila kare,
Teri zindagi main koi ghum na ho,
Teri aankh kabhi num na ho,
Tujhey kisi se koi gila na ho,
Koi dukh tujhey mila na ho,
Teri rad kabhi dua na ho,
Tere lab py koi sada na ho,
Tujhey bin mange wo ataa karay,
Teri maaf her ek khata karay….

0 comments

Khoab Sary Khial Sary

Author: taha / Labels:

Khoab sary khial sary,
Haqeeqton ka libada orhy,
TUmhari hasti sanwar jain,
Chand, soraj, ye sary tary,
Chirag jitny bhe jal rhy hain,
Tumhary chehray kay rang dekhain to har jain,
Behti nadya, charhaty darya,
Ye gehra sagar,
Jheel jaharny,
Ye Aabsharain,
Apna jeewan tumhari aankhon pe war jain,
Rung khushbo,
Gulab sary,
Muhabbaton kay nisab sary,
Sb tumhari Balain lay lain,
Nazar tumhari utar jain.

0 comments

Ali Ko Fateh-E-Badr O Hunain

Author: taha / Labels:

Ali ko fateh-e-Badr o Hunain Kehte hain
Hasan ko qalb-e-Muhammad (S.A.W.W) ka chain kehte hain,
Wafa ki Akhri manzil ka naam hai Abbas (A.S)
Khuda k sabr o raza ho Husain kehte hain...

0 comments

Hussain Ne Zikr-e-Khuda Ko

Author: taha / Labels:

Hussain Ne Zikr-e-Khuda Ko Alla Bana Diya
Be Naam Thi Karbal Moulla Bana Diya
Socho Kay kitna Pakeeza Hau Khoon-e-Hussain(A.S)
Jab gira Khaak Py To Khak-e-Shifa Bana Diya

0 comments

Kia Bataon Apko Khush Kismati ABBAS (A.S.) Ki ?

Author: taha / Labels:

Kia bataon apko khush kismati ABBAS (A.S.) ki ?
FATIMA ZEHRA (A.S.) se hai wabastagi ABBAS (A.S.) ki

Goud main ZAINAB (A.S.) k daiker hatt gaeen UMM-UL-BANEEN
KARBALA per waqf kardi zindagi ABBAS (A.S.) ki

Hamla-e-AKBER (A.S.) main dekho Naujawani ki jhalak
Jurrat-e-ASGHAR (A.S.) main dekho kamsini ABBAS (A.S.) ki

Dushmano ko khouf hai ZAINAB (A.S.) ko hai itminan
Jab talak khaimon main hai Mojudgi ABBAS (A.S.) ki

Paar ker paya na Lashker ik halki si Lakeer
Thi to halki si magar khainchi hui ABBAS (A.S.) KI.

0 comments

Baad me puchiye Abbas (a.s) ki haibat kya hai

Author: taha / Labels:

Baad me puchiye Abbas (A.S) ki haibat kya hai,
Pehle malum karo jaake Qayamat kya hai,
Ruk gaya jiski nigahon pe Yazidi Lashkar,
Usko talwar uthane ki zarurat kya hai.

0 comments

Baneen Nay Betay Ko Bedar Kar Diya

Author: taha / Labels:

Baneen nay betay ko bedar kar diya,
Her jung fatha karnay ko taiyar kar diya,
Abbas (A.S) ko laga kay kalejay say barbar,
Itnee duain deen kay, alamdar kar diya.

0 comments

Maqtal Main Dono Hath Katny K Bawajod

Author: taha / Labels:

Maqtal main dono Hath Katny k Bawajod,
Abbas (A.S) Tere Hath me Bazi hy aj tak,
Tone Badal k Rakh diye Mani Hayat K..
Tu to Shahed ho k bhi Ghazi hy aj tal.....

0 comments

Khon-e-Hussain(a.s) Ki Qasam,

Author: taha / Labels:

Khon-e-Hussain (A.S) ki qasam,
Dunia hy ik Karbala ka nam,
Lakhon yazeed hain yahan,
Tm Qalam otha k to dekho....

0 comments

Ayawaane Imamath Se Laya Hai Charag

Author: taha / Labels:

Ayawaane imamath se laya hai charag,
Tanveer e wafa leke jalaya hai charag,
Himmath ho to kisi mai bujaloo aakar,
ABBAS(a.s) ne pani mai jalaya hai charag....

0 comments

Hazrat Imam Hussain (R.A) Or Karbala

Author: taha / Labels:

HUSSAIN (R.A)
Tujh per mera Salam ho Ek dasht e be gayah
Meri muhabbato ki Aqeedat Wasool kar
Aaya hun Riffato ki tamana liye huwe
Mera khaloos meri Duaain qabool kar


KARBALA
Ay Ajnabi Thehar mujay itni duaa na day
Pehli bhi meri khaak hai Nabiyo say sharmsaar
Meri Haado say juld Guzar ja ba'ahtiyat
Main Karabala hun meri tabahi say hoshyaar


HUSSAIN (R.A)
Tere Ujaar Pan Ka Mere Paas hai Elaaj
Tujh ko khabar nahi ke mai ESSA (as) ka naaz ho
Mai ny to bachpanay mai farishto ko parr diay
Apna maraz bata mai kaarsaaz hun


KARBALA
Meri Raggo mai Haanmpti Rehti Hai shab ko Mout
Din main meri fiza mai barasti hain bijliyan
Shaam o Sehar balaoo ka Imkan mai har taraf
Har soo bikhar rahi hain hawaoo mai hichkia


HUSSAIN (R.A)
Ay Nainwa uddas naa ho hosla na haar
Laya hoo tere waastay pegham e zindagi
Mai khud ujar ke Tujh ko basaoo ga iss tarah
Teri sehar banay gi meri shaam e zindagi


KARBALA
Mera ye mashwara hai musafir palat hi jaa
Shayad tujay khabar nahi mere junoon ki
Garmi se jaa ba lab hain tere kaaflay kay log
Laikin meri rago ko zaroorat hay khoon ki


HUSSAIN (R.A)
Dhoonday ga aasman teri zarro mai nikhatain
Tujh ko ata karoo gaa woh Poshak dekhna
Mere lahoo say tujh ko mile ga wo martaba
Khaak e shifa banay gi teri khaak dekhna


KARBALA
Dawa na kar ke mujh ko basana muhaal hay
Aisa koi jahaan may paida nahi hua
Har fard ko talash e musarrat hay dehar may
Koi tabahio ka to sheda nahi hua


HUSSAIN (R.A)
Mai woh hun jis ko sirf tabahi say pyaar hay
Mere hi dum say arz e tawalla banay gi tu
May iss tarah parhoo gaa yaha akhrii namaz
Tutbay may misl e arsh e muallah banay gi tu


KARBALA
Mumkin nahi kahin pay bhi yeh keemya gari
Jo farsh e berida ko koi taaj bakhsh dy
Aisa koi bashar nahi dekha jo iss tarah
Zarro ko choo ke arsh ki mairaaj bakhsh dy


HUSSAIN(R.A)
Ay khaak e besamar mera aijaaz dekhna
Ik baar mere saath zara muskura ke dekh
Zamin hun tujh ko khuld say barh kar sajaoo gaa
Ay khitta e udaas mujhay aazma ke dekh


KARBALA
Aaye thay log mujh ko basanay ke shoq mai
Ek pal mai sub ke sabar ke saagar chalak gaye
Tu taaza dum sahi magar itna khayaal kar
Meri udaasio se payghamber bhi thak gaye


HUSSAIN (R.A)
Wo log anbiya thay magar main imam hun
Mumkin nahi ke deed ke badlay shaneed lun
Tujh ko sanwarnay ki tamanna bhi zid bhi hai
Chal tay ye ho chuka hai ke tujh ko khareed lun


KARBALA
Mujh ko sanwarnay ki tamman hai gar to sun
itna lahoo to ho ke mai jis se sanwar sakun
Roz e Azal se hai meri qismat bujhi hui
Kia kuch hai tere paas mai jis se nikhar sakoo


HUSSAIN (R.A)
Laya hun apnay saath bahatar(72) dilo ka rang
Is k siwa nazar mai kaii or gurr bhi hain
Chay (6) mah ka sheer khuwar bhi humrah hai mere
Behno ki chadrain hain sakeena ke durr bhi hain
Muslim, HAbib, Joan se As'haab hai yahan
Jo mar bhi jaye or tujay aasra bhi dain
Laye gi woh bahaar yaha apnay khoon say
Dekhay tujay malak to falak say duaa bhi dain


KARBALA
Har chand la ilaaj hain meri uddasiyan
Laikin ye hosla ye mohabbat kamal hay
Nuskhay sabhi durust sahi khawahishain baja
May kia karoo kay tu koi ZEHRA ka laal hay


HUSSAIN (R.A)
Aahista bol itni daleelay naa dy mujhy
Gustakhiya na kar k shah e Mashreqain hun
Ly ab laga raha hoo teri khaak per Qayaam
Itna bharak rahi hay to sun may HUSSAIN (R.A) hun

0 comments

Marsiya (Meer Anees)

Author: taha / Labels:

Jab qata ki masafat e shab aaftaab ne
Jalwa kiya sahar ke rukhe behijaab ne

Dekha suwe falaq Shahe gardoon rakaab ne
Mur kar sada rafeeqo ko di us janaab ne

Aakhir hai raat hamd o sanaye Khuda karo
Utho fareezaye sahri ko ada karo

Haan ghaaziyon ye din hai jidaal o qitaal ka
Yaan khoon bahega aaj Mohammad ki aal ka

Chehra khushi se surkh hai Zahra ke laal ka
Guzri shabe firaaq din aaya visaal ka

Hum wo hain gham karenge malak jin ke waastey
Raatein tarrap ke kaati hai is din ke waastey

Ye sunke bistaron se uthe wo Khuda shinaas
Ek ek ne zebe jism kiya fakhira libaas

Shane muhasino mein kiye sab ne be hiraas
Baandhe amame aaye imame zaman ke paas

Rangeen abaayein dosh pe kamrain kasey huwe
Muskh o zibaad o itr mein kaprre basey huwe

Khaime se nikle Shay ke azeezaane khush khisaal
Jin mein kayi thay Hazrate Khairun nisa ke laal

Qasim sa gul badan Ali Akbar sa khush jamaal
Ek jaa Aqeel o Muslim o Jafar ke nau nihaal

Sab ke rukhon ka noor sipahre bareen pa tha
Athara aaftaabon ka ghuncha zameen pa tha

Nagaah charkh par khate abyaz huwa ayaan
Tashreef jaanemaaz pe laaye Shahe zamaan

Sajjade bich gaye aqabe Shahe ins o jaan
Saute Hasan se Akbar e Mahrooh ne di azaan

Har ek ki chashm aansuon se dab daba gayi
Goya sada Rasool ki kaano mein aagayi

Namoose Shaah rotey thay khaime mein zaar zaar
Chup ke kharri thi sahn mein bano e naamdaar

Zainab balayein leke ye kahti thi baar baar
Sadqe namaziyoon ke muazzin ke main nisaar

Karte hain yoon sana o sifat Zul Jalaal ki
Logon azaan suno meri yousuf jamaal ki

Ye husn e saut aur ye qirat ye shad o madd
Haqqa ke afsahul fusuha thay inhi ke jadd

Goya hai lahn e Hazrat e Dawoode ba khiradd
Ya Rabb rakh is sada ko zamane mein taa abad

Shube sada mein pankhadiyaan jaise phool mein
Bul bul chahak raha hai riyaaz e Rasool mein

Saf mein huwa jo naraye qad qaamatis salaat
Qaim huwi namaaz uthey Shahe qainaat

Wo noor ki safein wo musalli falak sifaat
Sardaar ke qadam ke taley thi rahe nijaat

Jalwa tha taba arshe mualla Hussain ka
Mushaf ki lauh thi ke musalla Hussain ka

Quraan khula huwa ke jamaat ki thi namaaz
Bismillah aagey jaise ho yoon thay Shahe hijaaz

Satrein thi ya safein aqab e Shahe sarfaraaz
Karti thi khud namaaz bhi inki adaa pe naaz

Sadqe sahar bayaaz pe bainas sutoor ki
Sab aayatein thi mushafe naatikh ki noor ki

Dunya se uth gaya wo qayaam aur wo qaood
Inke liye thi bandagi wajibul wujood

Wo ajz wo taweel ruku aur wo sujood
Taat mein neest jaantey thay apni hast o bood

Taqat na chalne phirne ki thi haath paon mein
Gir gir ke sajde karte thay taghoon ki chaon mein

Farigh huwe namaaz se jab qibla o anaam
Aaye musafahe ko jawaanan e tashnakaam

Chume kise ne dast e Shahinshaah e khaas o aam
Aakhein miley kisi ne qadam par ba ehteraam

Kya dil thay kya sipaah e rasheed o sayeed thi
Ba ham muanaqe thay ke marne ki eid thi

Jaari thi ilteja munajaat thi idhar
Waan sar kashi o zulm o taddi o shor o shar

Kahta tha ibne saad ye jaa jaa ke nahr par
Ghatoon se hoshiyaar tarayi se ba khabar

Do roz se hai tashna dahani Hussain ko
Haan martey dam bhi deejiyo na pani Hussain ko

Baithey thay jaanemaaz pe Shahe falak sareer
Nagaah qareeb aake girey teen chaar teer

Dekha har ek ne murr ke suwe lashkar e kaseer
Abbas uthey tol ke shamsheer be nazeer

Parwane thay siraaj e imamat ke noor par
Rokey sipar huzoor karamat zahoor par

Akbar se murr ke kahne lage Sarware zamaan
Baandhe hai sarkashi pa kamar lashkare giraan

Tum jaake kahdo khaime mein ye ay pidar ki jaan
Bachon ko leke sahn se hatt jaaye bibiyaan

Ghaflat mein teer se koi bacha talaf na ho
Darr hai mujhe ke gardane Asghar hadaf na ho

Kahte thay ye pisar se Shahe aasmaan sareer
Fizza pukari deordhi se ay khalq ke ameer

Hai hai Ali ki betiyaan kis jaa ho goshgeer
Asghar ke gahware tak aakar girey hain teer

Garmi se saari raat ye ghut ghut ke roye hain
Bachey abhi tou sard hawa paake soye hain

Baqir kahin parra hai Sakina kahin hai ghash
Garmi ki fasl ye tab o taab aur ye atash

Ro ro ke sogaye hain sagheerane maahwash
Bachon ko leke yaan se kahan jaaye faqa kash

Ye kis khata pe teer piya pe barastey hain
Thandi hawa ke waastey bachey tarastey hain

Uthey ye shor sunke Imame falaq viqaar
Deordhi tak aaye dhaloon ko roke rafiq o yaar

Farmaya murr ke chaltey hain ab bahre kaarzaar
Kamrain kasoo jihaad pe mangwao raahwaar

Dekhein fizaa behisht ki dil baagh baagh ho
Ummat ke kaam se kahin jaldi firaagh ho

Zainab ki ye dua thi ke ay Rabbe Zuljalaal
Bach jaaye is fasaad se khairun nisa ka laal

Bano e naik naam ki khaiti hari rahey
Sanndal se maang bachon se godi bhari rahey

Boley qareeb jaake Shahe aasmaan janaab
Muztar na ho duaen hain tum sab ki mustajaab

Maghroor hain khata pe ye sab khanuma kharaab
Khud jaake mein dikhata hoon inko rahe sawaab

Mauqa nahi bahan abhi faryaad o aah ka
Laao tabarrukaat Risaalat panaah ka

Meraaj mein Rasool ne pahna tha jo libaas
Kashti mein laayi Zainab usey Shahe deen ke paas

Sar par rakha amamae Sardare haq shinaas
Pahni qabaye paak Rasoole falaq asaas

Bar mei durust o chust tha jama Rasool ka
Rumaal Fatima ka amama Rasool ka

Kaprron se aarahi thi Rasoole zaman ki bu
Dulha ne sunghi hogi na aisi dulhan ki bu

Hyder ki Fatima ki Hussain o Hasan ki bu
Pheli huwi thi chaar taraf Panjetan ki bu

Lut ta tha itr waadi ambar sarisht mein
Gul jhumtey thay baagh mein Rizwaan behisht mein

Poshaak sab pahan chukey jis dam Shahe zaman
Lekar balaein bhai ki ronay lagi bahan

Kehti thi hai aaj nahi Hyder o Hasan
Amma kahan se laye tumhe ab ye be watan

Rukhsat hai ab Rasool ke yusuf jamaal ki
Sadqe gayi balein tou lo apne laal ki

Hathyaar idhar laga chuke Moula e khaas o aam
Tayyar udhar huwa alam e Sayyide anaam

Duaaein maangti gird thi saidaniyaan tamaam
Roti thi thaamey chobe alam khwahare imaam

Teghein kamar mei dosh pe shamley parrey huwe
Zainab ke laal zere alam aa kharre huwe

Gah maa ko dekhte thay kabhi jaanibe alam
Nara kabhi ye tha ke nisaar e Shahe umam

Karte thay dono bhai kabhi mashware baham
Aahista poochtey kabhi ma se wo zee hasham

Kya qasd hai Alliye wali ke nishaan ka
Amma kise milega alam nana jaan ka

In nanhe nanhe haathon se uthega ye alam
Chotey qadoon mein sabse sinoo mein sabho se kam

Nikle tanoo se sibte Nabi ke qadam pe dam
Ohda yahi hai bas yahi mansab yahi hasham

Rukhsat talab agar ho tou ye mera kaam hai
Maa sadqe jaaye aaj tou marne mein naam hai

Phir tum ko kya buzurg thay jo fakhre rozgaar
Zeba nahi hai wasf e izafi pe iftekhaar

Johar wo hai jo taegh karey aap aashkaar
Dikhlado aaj Hyder o Jafar ki kaarzaar

Tum kyon kaho ke laal Khuda ke wali ke hain
Faujein pukare khud ke nawase Ali ke hain

Ab jisko tum kaho usey dein fouj ka alam
Ki arz jo salaah Shahe aasmaan hasham

Farmaya jabse uthgayi Zahra e ba karam
Us din se tumko maa ki jagah jaantey hain hum

Malik ho tum buzurg koi ho ke khurd ho
Jisko kaho usi ko ye ohda sipard ho

Boli bahan ke aap bhi tou lein kisi ka naam
Hai kis taraf tawajjo e Sardar o khaas o aam

Gar mujhse poochtay hain Shahe aasmaan maqaam
Quran ke baad hai tou Ali hi ka kuch kalaam

Shaukat mein qadd mein shaan mein humsar nahi koi
Abbas e naamdaar se behtar nahi koi

Aashiq ghulaam khadim e dereena jaan nisaar
Farzand bhai zeenate pehlu wafa shiaar

Jarrar yaadgaar e pidar fakhre rozgaar
Rahat rasaa mutee o namudaar o naamdaar

Safdar hai sher dil hai bahadur hai naik hai
Bemisal sainkroon mein hazaroon mein aik hai

Aakhon mein ashk bhar ke ye boley Shahe zaman
Haan thi yahi Ali ki wasiyyat bhi ay bahan

Acha bulayein aap kidhar hai wo saff shikan
Akbar chacha ke paas gaye sun ke ye sukhan

Ki arz intezaar hai Shahe ghuyoor ko
Chaliye phuphi ne yaad kiya hai huzoor ko

Abbas aaye haathon ko jorre huzoor e Shah
Jao bahan ke paas ye bola wo deen panaah

Zainab wahin alam liye aayi ba izzo jaah
Boley nishaan ko leke Shahe arsh baargaah

Inki khushi wo hai jo riza Panjetan ki hai
Lo bhai lo alam ye inayat bahan ki hai

Munh karke suwe qabre Ali phir kiya khitaab
Zarre ko aaj kardiya Moula ne aaftaab

Ye arz khaaksaar ki hai Ya Abu Turaab
Aaqa ke aagey hoon mein shidat se bahreyaab

Sar tan se ibne Fatima ke ru baru girey
Shabbir ke paseene pe mera lahu girey

Ye sunke aayi zaojaye Abbas e naamwar
Shohar ki simt pehle kinkhiyoon se ki nazar

Lee sibte Mustafa ki balayein ba chashme tar
Zainab ke gird phir ke ye boli wo nauhagar

Faiz aap ka hai aur tasadduq Imaam ka
Izzat barhi kaneez ki rutba ghulaam ka

Sar ko laga ke chathi se Zainab ne ye kaha
Tu apni maang kookh se thandi rakhe sada

Ki arz mujhse laakh kaneezein hoon tou fida
Bano e naamwar ko suhaagan rakhe Khuda

Bachey jiye taraqqiy e iqbal o jaah ho
Saaye mein aap ke Ali Akbar ka byaah ho

Naagaah aakey bali Sakina ne ye kaha
Kaisa hai ye hujoom kidhar hai mere chacha

Ohda alam ka unko mubarak karey Khuda
Logoon mujhe balayein tou lene do ek zara

Shaukat Khuda barrhaye mere ammu jaan ki
Mein bhi tou dekhoon shaan Ali ke nishaan ki

Abbas muskura ke pukarey ka aao aao
Ammu nisaar pyaas se kya haal hai batao

Boli lipat ke wo ke meri mashq lete jaao
Ab tou alam mila tumhein pani mujhe pilaao

Tohfa na koi deejiye na inaam deejiye
Qurbaan jaaon pani ka ek jaam deejiye

Nagaah badhey alam liye Abbas e ba wafa
dauRe sab Ahle Bayt khule sAr, barahna pa

Hazrat ne haath utha ke ye ik eik se kaha
Lo Alwida ay haram e paak e Mustafa

Subhe shab e firaaq hai pyaaron ko dekh lo
Sab mil ki doobte huwe taaron ko dekh lo

Shay ke qadam pe Zainab e zaar o hazeen giri
Bano pachaad kha ke pisar ke kareen giri

Kulsoom thar thara ke baruhe zameen giri
Baqir kahin gira tou Sakina kaheen giri

Ujda chaman har ek gul taza nikal gaya
Nikla alam ke ghar se janaza nikal gaya

Nagaah udhar se teer chale janibe Imaam
Ghoda bada ke aap ne hujjat bhi ki tamaam

Nikle idhar se Shah ke rafiqaan e tashnakaam
Be sar huwe paroon mein saraan e sipaah e shaam

Bala kabhi thi taegh kabhi zer e tang thi
Ek ek ki jang maalik e ashtar ki jang thi

Allah re Ali ke nawasoon ki kaarzaar
Dono ke nichey thay ke chalti thi zulfiqaar

Shana kata kisi ne jo roka sipar pe waar
Ginti thi zakhmiyoon ki na kishtoon ka tha shumaar

Utney sawaar qatl kiye thorri daer mein
Dono ke ghodey chup gaye laasho ke dhaer mein

Kis husn se Hasan ka jawane haseen lada
Ghir ghir ke surate asad e khushmgeen lada

Do din ki bhook pyaas mein wo mahjabeen lada
Sahra ulat ke yoon koi dulha nahi lada

Hamle dikha diye asad e kirdgaar ke
Maqtal mein sooye arzak e shaami ko maar ke

Chamki jo taegh Hazrate Abbas e arsh jaah
Roohul ameen pukarey ke Allah ki panaah

Dhaloon mein chup gaya pisar e saad ru siyaah
Kushtoon se band ho gayi aman o amaan ki raah

Jhapta jo sher shoakh mein darya ki sair ke
Le li tarayi taeghon ki moujoon ko phair ke

Be sar huwe muwakkil e sar chashma e furaat
Hal chal mein misl e mouj safoon ko na tha sabaat

Darya mein girke fout huwe kitne bad sifaat
Goya habaab hogaye thay nuqta e hayaat

Abbas bhar ke mashk ko yoon tashnalab laday
Jis tarah naharwaan mein ameer e arab laday

Aafat thi harb o zarb e Ali Akbar e diler
Ghusse mein jhapte ser pe jaise garsina sher

Sab sar buland past zabardast sab thay zer
Jangal mein chaar simt huwe zakhmiyoon ke dher

Siraan ke utre tan se jo thay rann charrhey huwe
Abbas se bhi jang mein kuch thay barrhey huwe

Talwaarein barsi subh se nusfun nihaar tak
Hilti rahi zameen laraztey rahey falak

Kaampa kiye paroon ko simte huwe malak
Narey na phir wo thay na wo taeghon ki thi chamak

Dhaalon ka daur barchiyoon ka auj ho gaya
Hangaam e zuhr khatema e fauj ho gaya

Lashe sabho ke sibte Nabi khud uthake laye
Qatil kisi shaheed ka sar kaatne na paye

Dushman ko bhi na dost ki furqat Khuda dikhaye
Farmatey thay bicharr gaye sab hum se hai haye

Itney pahaad gir padey jis par wo kham na ho
Gar sou baras jiyoon tou ye majma baham na ho

Kham hogaye ye daagh uthake Imame deen
Jhuk kar bana hilaal e Nabi ka mahe jabeen

Yoon dard mein tarrap ke kiya nalaye hazeen
Hilne lage pahaad larazne lagi zameen

Aayi jigar ko taab na is waaredaat ki
Khushki mein lagi doobne kashti hayaat ki

Jab saff kashi ki dhoom huwi qatl gaah mein
Tasweer e marg phir gayi sab ki nigaah mein

Doobe rafiq e yusuf e deen haq ki chaah mein
Daftar khula ajal ka Hussaini sipaah mein

Jaanbaaziyaan dikhake jari naam kar gaye
Khaake shifa pa noor ke daane bikhar gaye

Jis waqt aamad aamade saif e Khuda huwi
Hal chal parri har ek ke dar pe qaza huwi

Nabood zindagi huwi hasti fana huwi
Himmat dilon ke jism se quwwat juda huwi

Labrez hokey umr ke saagar chhalak gaye
Kaampi zameen pahaarr jagah se sarak gaye

Maidaan mein jab riyaaze Hussaini khizaan huwa
Dunya se kaarwaan Shahe deen ka rawaan huwa

Darya e khoon mein gharq har ek naujawaan huwa
Hamshakle Mustafa bhi shaheedey sinaan huwa

Rotey thay Shah lasho mein tanha kharre huwe
Thay khaak par kaleje ke tukrre parry huwe

Garmi ka roz jang ki kyon kar karoon bayaan
Darr hai ke misl e shama na jalne lage zabaan

Wo loo ke al hazar wo hararath ke al amaan
Rann ki zameen tou surkh thi aur zard aasmaan

Aab e khunukh ko khalq tarasti thi khaak par
Goya hawa se aag barasti thi khaak par

Wo loo wo aaftaab ki hiddat wo taab o tab
Kala tha rang dhoop se din ka misaal e shab

Khud nahr e alqama ke bhi sukhey huwe thay lab
Khaime jo thay hibaabon ke tap te thay sab ke sab

Urrhti thi khaak khushk tha chashma hayaat ka
Khoula huwa tha dhoop se pani furaat ka

Jheelon se chaar paaye na uthte thay taaba shaam
Maskan mein machliyoon ke samandar ka tha maqaam

Aahu jo kahile thay tou cheetey siyaah faam
Patthar bhi sab pigal gaye thay misl e moum khaam

Surkhi urrhi thi phoolon se sabzi gayaah se
Pani kuwein mein utra tha saaye ki chaah se

koson kisi shajar mein na gul the na barg o baar
Ek ek nakhal jal rahaa thaa suurat e chinaar

Hansta thaa koi gul na lahakataa thaa sabzaraar
kaanta hui thi suukh ke har shaakh e baar daar

Garmi ye thi ki zeest se dil sab ke sard the
Patte bhi masle e chehara e madquuq zard the

Girdaab par thaa shola e javaala kaa gumaan
Angaare the habaab to paani sharar fishaan

Muunh se nikal parhi thi har ek mauj ki zabaan
Tah par the sab nihang magar thi labon pe jaan

Paani tha aag garmi e roz hisaab thi
Maahi jo seekh e mauj tak aayi kabaab thi

Aainaa e falak ko na thi taab o tab ki taab
Chhipane ko barq chaahati thi daaman e sahaab

Sab ke sivaa thaa garm mizaajon ko iztiraab
kaafuur e subah Dhundhta phirtaa tha aaftaab

Bharrki thi aag gumbad e charkh e asiir mein
Baadal chhipe thhe sab kurrah e zamharir mein

Sher uthte thay na dhoop ke maarey kachaad se
Aahu na munh nikaalte thay sabz zaar se

Aaina mahr ka tha mukaddar ghubaar se
Gardoon ko tap charri thi zameen ke bukhaar se

Garmi se muztarib tha zamana zameen par
Bhun jata tha jo girta tha dana zameen par

Aabe rawaan se munh na uthate thay jaanwar
Jangal mein chalty phirtey thay tair idhar udhar

Mardam thay saath pardon ke andar araq mein tar
Jis khana e mizaa se nikalti na thi nazar

Gar chashm se nikal ke thahar jaaye raah mein
Parh jaaye laakh aabley paaye nigaah mein

Is dhoop mein khade thay akayle Shahe umam
Na daaman e Rasool tha na saaya e alam

Ourri thi lab zabaan mein kaante kamar mein kham
Sholay jigar se aah ke uthti thi dam badam

Be aab teesra tha jo din mehmaan ko
Hoti thi baat baat mein miknat zabaan ko

Kahta tha ibne saad ke ay aasmaan janaab
Bayyat jo keejiye ab bhi tou haazir hai jaame aab

Farmatey thay Hussain ke ay khanuma kharaab
Darya ko khaak jaanta hai ibne Bu Turaab

Faasiq hai paas kuch tujhe Islam ka nahi
Aab e taba ho ye tou mere kaam ka nahi

Garjum ka naam loon tou abhi jaam leke aaye
Kausar yaheen Rasool ka ehkaam leke aaye

Roohul ameen zameen pa mera naam leke aaye
Lashkar malak ka fatah ka paighaam leke aaye

Chahoon jo inqilaab tou dunya tamaam ho
Ulte zameen yoon ke na koofa na shaam ho

Farmake ye nigaah jo ki suwwe zulfiqaar
Tharrake pichley paaon hata wo sitam shiaar

Mazloom par safoon se chaley teer beshumaar
Awaaz e kous harb huwi aasmaan ke paar

Naize uthake jang par aswaar tul gaye
Kaaley nishaan sipaah e saeron mein khul gaye

Jab rann mein taegh toul ke Sultaan e deen barrhey
Geethi ke thaam lene ko roohul ameen barrhey

Manind sher e haq kahin tahre kahin barrhey
Goya Ali ulat te huwe aasteen barrhey

Jalwa diya jari ne uroose musaaf ko
Mushkil kusha ki taegh ne chorra ghilaaf ko

Allah re taezi o barsh is shola rang ki
Chamki sawaar par tou khabar laayi tang ki

Pyasi faqat lahu ki talabgaar jang ki
Hajat usey na saan ki thi aur na sang ki

Khoon se falak ko laashon se maqtal ko bharti thi
Sou baar dam mein charkh pe chadhti utarti thi

Seene pe chal gayi tou kaleja lahu huwa
Goya jigar mein maut ka nakhan faru huwa

Chamki tou al amaan ka ghul chaar su huwa
Jo iske munh pa aagaya be aabru huwa

Rukta tha ek waar na das se na paanch se
Chehre siyaah hogaye thay is ki aanch se

Bichh bichh gayeen safon pe safein wo jahaan chali
Chamki tou is taraf idhar aayi wahaan chali

Dono taraf ki fouj pukari kahaan chali
Is ne kaha idhar wo pukara yahaan chali

Munh kis taraf hai taegh zanon ko khabar na thi
Sar gir rahe thay aur tanon ko khabar na thi

Allah re khauf taegh e Shahe kainaat ka
Zehr ah tha aab khauf ke maarey furaat ka

Darya mein haal ye tha har ek bad sifaat ka
Chara faraar ka tha na yaara sabaat ka

Ghul tha ke barq girti hai har dara posh par
Bhago Khuda ke kahr ka darya hai josh par

Har chand machliyaan thi zira posh sar basar
Munh kholey chipti phirti thi lekin idhar udhar

Bhagi thi mauj chorr ke girdaab ki sipar
Thay tah nasheen nahang ubhartey na thay magar

Darya na tham ta khauf se is barq o taab ke
Lekin padey thay paaon mein chhaley hubaab ke

Phir tou ye ghul huwa ke duhayi Hussain ki
Allah ka ghazab hai larrayi Hussain ki

Darya Hussain ka hai tarayi Hussain ki
Dunya Hussain ki hai Khudayi Hussain ki

Beda bachaya aap ne toofan se Nooh ka
Ab rahm waasta Ali Akbar ki rooh ka

Akbar ka naam sunke jigar par lagi sinaa
Aansoo bhar aaye rok li rahwaar ki inaa

Murr kar pukarey laashe pisar ko Shahe zamaa
Tum ne na dekhi jang meri ay pidar ki jaa

Qasmein tumhari rooh ki ye log dete hain
Lo ab tou zulfiqaar ko hum rok dete hain

Aayi nidaye ghaib ke Shabbeer marhaba
Is haath ke liye thi ye shamsheer marhaba

Ye aabru ye jang ye tauqeer marhaba
Dikhlaadi maa ke doodh ki taaseer marhaba

Ghalib kiya Khuda ne tujhe kainaat par
Bas khatima jihaad ka hai teri zaat par

Bas ab na kar wigha ki hawas ay Hussain bas
Dam le hawa mein chand nafas ay Hussain bas

Garmi se haampta hai faras ay Hussain bas
Waqte namaz e asr hai bas ay Hussain bas

Pyasa larra nahi koi yoon isdehaam mein
Ab ehtemaam chahiye ummat ke kaam mein

Labbaik kahke taegh rakhi Shay ne miyaan mein
Palti sipaah aayi qayamat jahaan mein

Phir sarkasho ne teer milaye kamaan mein
Phir khul gaye lipat ke pharere nishaan mein

Bekas Hussain zulm shiaroon mein ghir gaye
Moula tumharey laakh sawaroon mein ghir gaye

Seene pe saamne se chaley das hazaar teer
Chaati pe lag gaye kayi sou ek baar teer

Pahlu ke paar barchiyaan seene ke paar teer
Parrtey thay das jo khainchte thay tan se chaar teer

Yoon thay khudang Zille Ilahi ke jism par
Jis tarha khaar hoti hai sahi ke jism par

Chaltey thay chaar simt se bhaley Hussain par
Toote huwe thay barchiyoon waley Hussain par

Qatil thay khanjaroon ko nikaley Hussain par
Ye dukh Nabi ki godh ke paley Hussain par

Teer e sitam nikaalne wala koi nahin
Girtey thay aur sambhaalne wala koi nahin

Zakhmo se chur chur huwa Fatima ka laal
Sarde riyaaz Ahmad o Hyder huwa nidhaal

Chehre pa khoon mal ke basad hasrat o malaal
Ki arz Shay ne shukr hai ay Rabb e Zuljalaal

Bachpan se roz o shab thi yahi aarzu mujhe
Ya Rabb tere karam ne kiya surkhuru mujhe

Is haal se jo saif ki shiddat huwi siwa
Sadma huwa juda taab tashnagi juda

Aashista rahwaar se Hazrat ne ye kaha
Ab waqt hai wida ka ay asb e ba wafa

Jangal mein ghar Batool ka lut ta hai Zuljanaah
Ab saath ek umr ka chut ta ha Zuljanaah

Ay khush kharaam ab na bachega tera sawaar
Ab ye gulu e khushk hai aur taegh e aabdaar

Ab laash par ghareeb ke daudeinge rahwaar
Pamaal hoga ab Shahe mardoon ka gulezaar

Baithega seena e pisar e Bu Turaab par
Qatil dharega paaon Khuda ki kitaab par

Zalim mere galey pa jo khanjar phiraega
Tujh se ye haal qahr ka dekha na jaaega

Naala haram ka hashr zamane mein laaega
Farte gham o alam se jigar thar tharaega

Ab hoga saamna qalaq o izteraar ka
Naize pe sar chadhega tere shahsawaar ka

Laakhon mein ek bekas o dilgeer hai hai
Farzand e Fatima ki ye tauqeer hai hai

Bhaaley wo aur pahlu e Shabbeer hai hai
Wo zahr mein bhujaye huwe teer hai hai

Ghussey mein thay jo fauj ke sarkash bharey huwe
Khali kiye Hussain pe tarkash bharey huwe

Wo gard thi jo bhaagtey phirtey thay waqt e jang
Ek sangdil ne paas se mara jabeen pa sang

Sadme se zard hogaya sibt e Nabi ka rang
Mathey pa haath tha ke galey par laga khudang

Thama gala janaab ne mathey ko chorr ke
Nikla woh teer halq e mubarak ko torr ke

Likha hai teen bhaal ka tha naawake sitam
Munh khul gaya ulat gayi gardan ruka jo dam

Khainchi sari galey ki taraf se ba chashme nam
Bhalein nikaley pusht ki jaanib se hokey kham

Ubla jo khoon nikalta huwa dam tahar gaya
Chullu rakha jo zakhm ke nichey tou bhar gaya

Girtey hain ab Hussain faras par se hai ghazab
Nikli rikaab paaye mutahhar se hai ghazab

Pahlu shigaafta huwa khanjar se hai ghazab
Ghash mein jhukey amama gira sar se hai ghazab

Quran rahle zeen se sar e farsh gir parra
Dewaar e Kaba baith gayi arsh gir parra

Gir kar kabhi uthey kabhi rakha zamee pa sar
Ugla kabhi lahu tou sambhala kabhi jigar

Hasrat se ki khayaam ki janib kabhi nazar
Karwat kabhi tarrap ke idhar li kabhi udhar

Uth baithey jab tou zakhm se barchi ke phal girey
Teer aur tan mein gadd gaye jab munh ke bhal girey

Jangal mein aayi Fatima Zahra ki ye sada
Ummat ne mujhko loot liya wa Mohammada

Is waqt kon haqq e mohabbat karey ada
Hai hai ye zulm aur dou aalam ka muqtara

Unnees sou hai zakhm taney chaak chaak par
Zainab nikal Hussain tarrapta hai khaak par

Zahra idhar tarrap ke giri aur haram udhar
Qatil ne taegh phaer di Sayyad ke halq par

Haatif ne aasmaan se sada di pukaar kar
Faryaad kat gaya pisar e Fatima ka sar

Be jaan lab e furaat e Shahe tashna lab huwa
Mara gaya Imame zamaan tou ghazab huwa

Dekha jo Ahlebait e Nabi ne utha ke sar
Naizey pe aaftaab e Imamat parra nazar

Daude saroon pa khaak udhatey ba chashme tar
Dekha ye haal jab sarey baleen huwa guzar

Taza lahu rawaan hai taney paash paash se
Takbeer ki sada chali aati hai laash se

Pardah ulat ke binte Ali nikli ba chashm e tar
Larzaan qadam khameeda kamar gharke khoon jigar

Charoon taraf pukaarti thi sar ko peet kar
Ay Karbala bata tera mehmaan hai kidhar

Amma qadam ab uthte nahi tashnakaam ke
Pahuncha dou laash par mere bazu ko thaam ke

Bhayya mein ab kahan se tumhein laaon kya karoon
Kya kahke apne dil ko mein samjhaaon kya karoon

Kiski duhayi doon kisey chillaaon kya karoon
Basti parayi hai mein kidhar jaaon kya karoon

Dunya tamaam ujarr gayi veerana ho gaya
Baithoon kahan ke ghar tou azakhana ho gaya

Hai hai tumharey aagey na khwahar guzar gayi
Bhayya batao kya tahey khanjar guzar gayi

Aayi sada na pooch jo hum par guzar gayi
Sad shukr jo guzar gayi behtar guzar gayi

Sar kat gaya hamey tou alam se firaagh hai
Gar hai tou bas tumhari judayi ka daagh hai

Haan aashiqon Hussain ke aah o buka karo
Zahra ka saath do madad e Mustafa karo

Haqq e mohabbat e Shahe wala ada karo
Be sar huwe Hussain qayamat bapa karo

Samjho shareek e majlis e matam Rasool ko
Sab milke dou Hussain ka pursa Batool ko

Bas ay Anees zauf se larzaan hai band band
Aalam mein yaadgaar raheinge ye chand band

Tapke qalam se zauf mein kya kya buland band
Aalam pasand lafzein hain sultaan pasand band

Ye fasl aur ye bazm e aza yaadgaar hai
Peeri ke walwale hain khiza ki bahaar hai

0 comments

Subscribe to: Posts (Atom)

Fb